Kosova po shënon një hap të rëndësishëm në rrugën e saj drejt promovimit ndërkombëtar të prodhimeve të saj bujqësore, duke marrë pjesë për herë të parë në një nga panairet më të mëdha të Evropës, Fruit Attraction në Madrid. Ky panair, i njohur për promovimin e prodhimeve më të mira të frutave dhe perimeve në botë, është një mundësi ideale për prezantimin e mjedrës dhe boronicës së freskët të Kosovës.
Pjesëmarrja e Kosovës në këtë panair është një mundësi e jashtëzakonshme për të ndërtuar ura bashkëpunimi me tregun spanjoll. Cikli i prodhimit të boronicës dhe mjedrës në Kosovë fillon menjëherë pasi përfundon sezoni i tyre në Spanjë, duke e bërë Kosovën një partner të vlefshëm për plotësimin e kërkesave të tregut evropian në periudha strategjike.
Në panair, shumë takime dhe diskutime të frytshme janë zhvilluar me përfaqësues të industrisë së pemëve të imëta, duke hapur rrugën për projekte bashkëpunimi në të ardhmen. Kompanitë kosovare që prezantuan në panair ishin:
Kitozani është një polimer natyral dhe i biodegradueshëm, i nxjerrë nga kitina, e cila gjendet në eksoskeletet e krustaceve si karkalecat, gaforret, si dhe në muret qelizore të kërpudhave. Falë biokompatibilitetit, jo-toksicitetit dhe vetive antimikrobike, kitozani ka gjetur përdorime të shumta në bujqësi, mjekësi dhe menaxhimin e mjedisit.
Në bujqësi, kitozani po përdoret gjithnjë e më shumë si një biostimulant natyral dhe si përshpejtues i ruajtjes së frutave pas vjeljes, veçanërisht për pemët e imëta si boronica, mjedra dhe dredhëza.