Breshëri përbën një nga kërcënimet më të mëdha për bujqësinë, duke shkaktuar dëme të konsiderueshme në të mbjellat dhe humbje ekonomike për fermerët. Në panairin e sapo mbajtur bujqësor Fruit Logistica në Berlin, kompania SPAG prezantoi një nga metodat më efikase dhe më të përballueshme për mbrojtjen e kulturave bujqësore nga breshëri. Për të adresuar këtë sfidë, SPAG Group ka zhvilluar një sistem inovativ të mbrojtjes, i cili përdor valë goditëse për të parandaluar formimin e breshërit, duke ofruar një zgjidhje efektive dhe miqësore me mjedisin.
Sistemi funksionon duke gjeneruar valë goditëse, të cilat ndërhyjnë në procesin e formimit të breshërit brenda reve, duke parandaluar krijimin e kokrrave të mëdha të akullit. Ky proces përshpejton shkrirjen e grimcave të akullit dhe i kthen ato në shi ose dëborë. Kjo metodë është ekologjike, nuk ndikon në ciklin hidrologjik të reve dhe nuk ka efekte negative në natyrë apo faunë.
Sistemi përbëhet nga disa elementë kyç që e bëjnë funksional dhe efikas:
- Struktura Konike – E ndërtuar nga çelik i galvanizuar me zhytje të nxehtë, me formë specifike për të lehtësuar përhapjen e valëve goditëse në atmosferë.
- Energjia Fotovoltaike – Pajisja funksionon me energji diellore, duke siguruar autonomi të plotë dhe duke reduktuar ndikimin mjedisor.
- Rrjeti i Gazit Acetilen – Përgjegjës për krijimin e shpërthimeve të kontrolluara që prodhojnë valët goditëse. Ky gaz nuk ndot ambientin dhe është i sigurt për përdorim.
- Dhoma e Djegies – Një komponent esencial ku realizohet prodhimi i valëve goditëse me fuqi dhe frekuencë të përshtatur sipas nevojës.
- Automatizimi dhe Monitorimi – Sistemi është i pajisur me inteligjencë artificiale, e cila detekton retë me breshër dhe aktivizon pajisjen automatikisht. Pasi rreziku kalon, sistemi fiket vetë.
- Sistemi i Menaxhimit dhe Kontrollit – Një njësi harduerike që siguron funksionim të saktë dhe mbulim të plotë të zonës së mbrojtur.
Ky sistem ofron mbrojtje brenda një rrezeje prej 500 metrash (1 kilometër në diametër), duke mbuluar deri në 80 hektarë tokë me një pajisje të vetme. Një nga avantazhet kryesore të kësaj teknologjie është kostoja e ulët e operimit, e cila është shumë e lirë, duke e bërë një investim të përballueshëm dhe afatgjatë për fermerët.
Në krahasim me metodat tradicionale të mbrojtjes nga breshëri, si rrjetat mbrojtëse apo raketat kundër breshërit, ky sistem është më i qëndrueshëm, më ekonomik dhe më efikas. Rrjetat mbrojtëse kanë kosto të lartë dhe kërkojnë mirëmbajtje të vazhdueshme.
Sistemi i mbrojtjes nga breshëri i zhvilluar nga SPAG Group përfaqëson një hap të rëndësishëm në teknologjinë bujqësore, duke ofruar një metodë efektive, të automatizuar dhe ekologjike për mbrojtjen e të mbjellave. Duke qenë një zgjidhje inovative, ai u mundëson fermerëve të minimizojnë humbjet nga fenomenet ekstreme klimatike dhe të rrisin qëndrueshmërinë e prodhimit të tyre.
Për më shumë informacion mbi këtë sistem, mund të vizitoni faqen zyrtare të SPAG Group në: www.grupospag.com.
Kujtim Lepaja
Mjedra e Kosovës