Konferenca ndërkombëtare e pemëve të imëta, e organizuar nga Delphy më 9 dhe 10 janar 2025 në Holandë, ishte një ngjarje mbresëlënëse që mblodhi pjesëmarrës nga 32 vende të ndryshme, duke përfshirë rreth 800 pjesëmarrës. Ky event shërbeu si një pikë referimi për inovacion, rrjetëzim dhe shkëmbim të njohurive në sektorin global të pemëve të imëta. Fokusin kryesor e kishin teknologjitë e fundit, sfidat dhe mundësitë për të ardhmen e kultivimit të këtyre kulturave.
Përfaqësimi i Kosovës në Konferencë
Në këtë konferencë prestigjioze mori pjesë edhe sektori i pemëve të imëta nga Kosova. Përfaqësuesit e Shoqatës Nacionale “Mjedra e Kosovës”, ndanë përvojat e tyre dhe krijuan lidhje të reja me ekspertë dhe kompani ndërkombëtare. Ky angazhim forcoi pozicionin e Kosovës në industrinë globale të pemëve të imëta dhe rriti ndërgjegjësimin për potencialin e saj bujqësor.
Programi i konferencës përfshinte një sërë sesione interesante dhe vizita praktike: