Sot u nënshkrua një marrëveshje 15-mujore ndërmjet USAID Kosovo Adapt Activity dhe Shoqatës Nacionale të Mjedrës “Mjedra e Kosovës.” Ky bashkëpunim shënon fillimin e projektit “Rritja e Qëndrueshmërisë: Fuqizimi i industrisë së mjedrës të Kosovës për rezistencë ndaj klimës,” që synon adresimin e sfidave klimatike dhe sigurimin e një të ardhmeje të qëndrueshme për sektorin e mjedrës në Kosovë.
Ky projekt do të pajisë fermerët me mjete dhe teknika inovative, të tilla si sisteme të mençura ujitjeje, pompa uji miqësore me mjedisin dhe varietete të reja mjedrash rezistente ndaj klimës. Këto zgjidhje do t’i ndihmojnë fermerët të zbusin ndikimet e ndryshimeve klimatike, të optimizojnë burimet dhe të rrisin produktivitetin e tyre.
Gjatë periudhës 15-mujore, projekti do të realizojë një sërë aktivitetesh të dobishme
Ky bashkëpunim thekson angazhimin e USAID Kosovo Adapt Activity dhe “Mjedra e Kosovës” për të avancuar rezistencën e sektorit të pemëve të imëta, për të promovuar kujdesin mjedisor dhe për të siguruar qëndrueshmërinë ekonomike afatgjatë të industrisë.